Mordemo ke beno eşıqê goniwerê xo literatür de cıra vanê “Sendromê Stockholmi” nêzdiyê pancas serri ra ver yew mersela bıya no name a mersela ra namey xo gırewto.
Sendromê Stockholmi, verên de serra 1973 de dıwelê Sweç de Suka Stockholmi ameya meydan, dızdiye banka de mabendê dızd u bındesti jübinan ra hez kenê, no çi literatür de beno Sendromê Stockholmi, no sendrom de ey ke bınê tehdit derê tehditkarê xo ra hez kenê. Hezkerdene ra tepia nê mordemi seveknenê. Tehditkarê xo rê benê siper.
Nıkay şarê ma zi hına keno. 1937-38 de şarê ma, koyê ma, dar u bırrê ma, zerrey muziri de awke veşnay. Hama şarê ma no veşnayış no korkerdış, no qırkerdış kerdo xo viri. Her roşanê cumuriyeti ya zi roza bıne de “mısti” bar kenê, roca bıne Sey Rıza’y…. Senê jû çiyo mı fam nêkerd. Ezvaci Sendromê Stockholmi’o , sendromê Stockholmi niyo çunke o zi şerm keno. Ezvaci bıbo, bıbo namey nê sendromi beno “Sendromê Dêsımi” şarê ma rê xeyr bo.
Wa qesa peyêne şairê ma “Sey Qaji ra bêro.
Dewrê tanjimati
Dewrê hurati
Dewrê cumrati
Pêro ki mı di
Bara ma rê bi tertele u afati
