ZONÊ XO DE BIMANE

İsan esto zerre de zobina weşiya rameno teber de zobina. Hama fıkrê mı de isan zerrey xo de çı fıkıryeno ganê hına bıbo teber de.

İsanê ma mediya sosyal de nuseno, vano ke : 

-Ma zonê xo ra hes kenime. Hama çiyê do hınayên teyna medya sosyali de vaciyeno zerrey kêyey de hına niyo. Her kes Tırkki qesey keno, hatta tırkan ra rınd Tırkki qesey keno. Hama media sosyal de qırren u barreno vano zonê ma vındi beno. Hama teyna fek de vaciyeno, teyna fek de. Pilanê ma  ‘be qesey kerdene zonê ma resna ewro. Pilê ma ehende nêqırrayêne hama zonê ma ra qesey kerdêne.

Ewro eke ma şêrime çarşı u pers bıkerime.

-Şıma zonê ma zanenê? Desın ra yew/jü tene vano “heya”, wendoğê ke nuştey mı wanenê, vanê:

-Keşkena hına bıbiyêne, desın ra nê, pancasın ra jü zon zano, o zi dı-hirê qesey ra tepia çarneno Tırkki”

Ma veciyayime  “Tırkan hına kerdo, …… Kori hına kerdo hına kerdo, hama ma tırkan ra zaf biyme tırk u  biyme kor”

Ganê ma verên de wayırê zonê xo vecime ke cı ra tepia haq bıwazime dewlet ra, hına aseno ma wayırê nêveciyenime hama haq wazenime. Ma ganê domanan xo de waştiya xo de cênıka xo de, may u piyê xo de embazanê (olvazan) xo de…  zonê xo qesey bıkerime. Eke domanan zon qesey kerd reseno meşte eke qesey nêbi vindi beno şono. Ma çı hende dest bıderê lınganê xo ro cı rê faydey xo çinyo. Ez zaf derg nêkeru…

Zonê Maye verên de zerrey bani musiyeno, zerrey bani de qesey beno.  Eke qesey nêbi zey bani o zi bınê zelzeley de maneno.

‘Be domanan zon reseno meştan.

Zonê xo de bımane

Zonê xo de bıwane