HEWA ŞAHAN AĞAY-4 A
Ax ko romerdiyo ebe hêniyo
Esker nao amo koyê Dersımi de muniyo
Şahan vano: ” Dı sarey viyarnay mıra,
Jü yê Xanımeo, jü ye Alişer Efendiyo”
Şahanê mı qolê xo gureto
Şiyo geçê koye Muziri
Vano; ” Lawo bebextêni mekerê
Ma pia werdo qurvanê Xızıri”
Aşiri merdena mırê qayil nêbenê
Tornê Babay kerdo imamê seri
Xozati persene Qereğlan ra nato
Qanunê Mıstefa Kemali persena
Çı çiyo de bervato
Şahan vano: “Lazê Pirçoy bê mısêwre meso
Mın u to cızıkê zu mae lito”
Heqo tı keşi serde nayê miyarê
Bıray, sarê bırayi berdo çadıre de roto
Şahanê mırê qê efkar nêbo,
Heseni nao hefê to gureto.
Ax de biye, Şahanê mı biye
Şahanê mı ke merdo nêmerdo,
Şikiyo tılsımê Kırmanciye
Pane pane, Şahanê mı pane
Eskerê Mıste Kori amo ma qırkeno,
Cigera mı mezal cı mede, pane.
Lawıke: Khan
Vatoğ: Usên Doğanay
HEWA SAHAN AĞAY-4 B
Wule biye lemınê biye
İsanê na zemani keşi de nêmendo bexto, wax biye
Saan Ağayê mın Bêspuxaro lemın
Saan Ağayê mın viyala teke
Saan vano: ”Ez merdena xo ver nêkunu lemın
Ters bêro mı ke, mı dıma Koyê Dêsımi de
Nêmano cênık u çêneke.”
Saan Ağayê mı merdo-nêmerdo
Şikiyo thılsımê Kırmanciye.
Saan Ağayê mı qolê xo gıroto, şiyo geçê Koyê Muzıri
Saan vano: ”Qocanê, caru bêbextine mekerê
Ma pia werdo qırbana Xızıri, lemın”
Saan vano: ”Qozanê caru bêbextêni mekerê
Ma pia werdo qırbana Xızıri.”
Xozati persena, mı va Qereğlan ra nato, wiy!
Saan vano: ”La-lawo, lacê Pırçoy mıde mızewrine meke
Mın u to çıçıkê Gulizare pia lito”
Heqo, tı caru keşi ra nêdê diyayine
Ewro bıray, sarê bıray berdo mezat de, wax, roto
Saan Ağayê mı, tı caru merdena xo ver mekuye
Hesen Ağay tora raveri hêfê to, gıroto lemın
Wıle biye, lemınê biye
İsanê na zemani, keşi de nêmendo bext u wax şiye.
Lawıke: Khan
Vatoğ: Usên Doğanay
HEWA SAHAN AĞAY-5
Bıra Şiramiye ver de –wuyi!
Sahan ağayê mı viyala teke
Torna Kerimoğli torê hewnê diyo, wax diyo –wuyi!
Nınga xu zenguyê mayine meke –wuyi!
Da bıra va bo,
ez bıtersi felek bêro ewro marê meyman bo
Bıra Qolçe ver de –wuyi!
Sahan ağayê mı tum u hêgayi –wuyi!
Seyitxan vano: “Der u ciran bêrê pêser
Sahan mara mıradiyo,
Phêşta xu sana herdê xami –wuyi!”
Sahan vano: “Apo, tu caru merex u efkar meke
Butu kerdê raye, neçe cênc u neçe bilani, heylo
Bıra Qolçe ver de –wuyi!
Sahan ağayê mı herxa vaye –wuyi!
Berjinê Sahani de nişta ro, berbena
La-lawo mı va kokıma maye –wuyi!
Da bıra va bo,
Ez bıtersi, felek bêro emserr marê meyman bo.
Lawıke: Khan
Arêker & Vatoğ: 1.Xıdır Akgül 2. Yılmaz Çelik
BIRA SAANO-6
Bıra Saano, bıra Saano
Saanê mı gulçıçegê koyê Muzırano
Way lemınê Muzırano
Serranê Saanê mı persenê
Hona domano, way lemınê domano
Bıra Saano, bıra Saano
Saanê mı gulçıçegê koyê Muzırano
Oo kı mavzer dest dı,
Koan dı gêreno, way lemınê gêreno
Oo kı taburan xırabı keno,
Way lemınê keno.
Bıra Saano, bıra Saano
Saanê mı gulçıcegê koyê Muzırano.
Vatoğ: Enver Çelik
Het: Xozat
ŞAHAN AĞA-7
Şahanê mın pers kena
Leminê perra na milçike
Şahan vano: “Apo, panerê ma panime
Taburan xo çarno koyê Sıncıke, wuuuy!
Ax de biye, leminê biye
Nê law, mıletê na zamani de
Carun nêmendo bext u wax şiye
Balikan wuy bivêso,
Sahanê mın herdo hito wuuuy!
Şahan begê mın hewniye ra şiyo, beşliyo şêmin na kilito
Şahan vano: “Lawo, lacê Pırçoy bêbextine meke
Mın u to çhıçê jü maye ma pia lito
Ax de biye, leminê biye
Nê law, mıletê na zamani de
Carun nêmendo bext u wax şiye
Koyê Bokiri wiy be vera, Şahanê min be yêniyo
Şahan vano: “Çutê sari viyarnay mara,
Jü yê xanıme, jü ki yê Alişer Efendiyo
Şahan begê mın, deyê serê xo wadare
Taburan amo koyê Dersimi na munıto
Ax de biye, leminê biye
Nê law, mıletê na zamani de
Carun nêmendo bext u wax şiye.
Arêker & Vatoğ : Musa Kahraman
